პროექტებით სწავლება

დღევანდელ შეხვედრაზე ერთმანეთს გავუზიარეთ გეგმები და მივეცით უკუკავშირი. განვიხილეთ მე-6 მოდული. ვისაუბრეთ მოსწავლეთა თვითრეგულაციაზე,  კლასში არსებულ მოსწავლეთა კატეგორიაზე. თუ როგორ უნდა ჩავრთოთ პროექტში და როგორი სირთულის დავალებები მივაწოდოთ სპეციალური საჭიროების მქონე მოსწავლეებს, არაქართულენოვან მოსწავლეებს და ნიჭიერ მოსწავლეებს.    გავეცანით ფასილიტაციის ტექნოლოგიებს, ჯგუფების შექმნის სტრატეგიებს. 

https://youtu.be/k2S83iESB0o

დღეს განვიილეთ მე-5 მოდული, რომელიც ეხებოდა მოსწავლის პროექტების შეფასებას. სესიის დასაწყისში გავეცანით ერთმანეთის ნამუშევარს, ტრენერმა მოგვცა უკუკავშირი. შემდეგ გავეცანით იმ  რესურსებს, რომლებიც შეიძლება გამოვიყენოთ ჩვენს პროექტზე მუშაობისას. მაგალითად, თუ როგორ შეიძლება გამოვიყენოთ რუბრიკები, ქულების მინიჭების სქემები და ჩეკლისტები შინაარსის ათვისების, 21-ე საუკუნისა და მაღალი დონის სააზროვნო უნარების განვითარებისათვის. შევიმუშავეთ შეფასებების გეგმა და გამოვიყენეთ პროექტების შეფასების ფორმები ინტელის საგანმანათლებლო სახელმძღვანელოდან, ჩვენი თემისთვის განკუთვნილი შემაჯამებელი შეფასების შესაქმნელად.

ტრენინგის მეხუთე დღეს წარვადგინეთ შესრულებული სამუშაოს პრეზენტაციები და მივეცით ერთმანეთს უკუკავშირი. განვიხილეთ მე-3 მოდულში მოცემული საკითხები.  გავეცანით უკუკავშირის სახეებს, საავტორო უფლებებს და მის მნიშვნელობას. გავიარეთ საავტორო უფლებების ტესტი, რომელსაც კოლეგებს შორის მოყვა მსჯელობა, დისკუსია. სესიის მეორე ნაწილში ვისწავლეთ/გავიხსენეთ ელექტრონული მასალის, ფოტო, ვიდეო, აუდიოს მოძიება/ჩამოტვირთვა და შევქმენით ბიბლიოგრაფია. დღევანდელი სესია საინტერესი იყო, როგორც თეორიული, ასევე პრაქტიკული თვალსაზრისით.

პროექტის IV დღეს განვიილეთ შეფასების სხვადასხვა მეთოდები, განმავითარებელი და განმსაზღვრელი ფორმები. დავიწყეთ შეფასების გეგმის გაწერა და გავიარეთ თითოეული პუნქტუი, თუ რას უნდა მივაქციოთ ყურადღება გეგმის შინაარსის წერისას.